Glaibasler Schränz-Brieder 1961

D FASIA isch wältwyt die eerschti Fasnachts-Gwäärggschaft.

 

D FASIA verdritt und feerderet die soziaale, wirtschaftlige, bolitische, bruefflige und kulturelle Indrässe vo de Fasnachtstätige.

 

D FASIA isch en angaschierti und kämpferischi Gwäärggschaft, wo sich fir alli Frooge rund um d Fasnachts-Tätigkait, mit groosser Fachkompetänz und groossem gwäärggschaftligem Know-now fir Verbesserige fir die Fasnachtstätige, und wenn neetig au e Konfrontazioon mit em Fasnachts-Comité, nit schyycht. Mitgliid wäärde: glaibasler1961@gmail.com

 

 

Eerschti Foorderig

D FASIA foorderet d Verschiebig vom Moorgestraich vom Vieri uff die Säggsi demoorge.

frie Staart laufft em junge biologische Rhythmus zwiider und isch mit dr hormonelle Umstellig vo dr Puperdäät vo de Binggis und de Junge Garde nit kompatibel.

S Zyyl isch, e kinder- und juugedgrächte Fasnachststaart.

 

Zwaiti Foorderig

D FASIA foorderet e Verbesserig vo dr Veryybaarkait vo Fasnacht, Freizyt und Famyylie.

Die däägligi Fasnachtszyt deerf nyyn Stund nit iiberschrytte.

Es muess fir die Fasnachtstätige gnueg laarvefreii Pause gää.

 

Dritti Foorderig

D FASIA foorderet dr sofortig Verzicht vo Räppli.

D Belaschtig duur Räppli iiberschrytte d Gränze vom Fyynstaub bi wytem und s isch e Gfoor fir alli Fasnachtstätige.

Als Alternative schleen mir d Verdailig vo Bio-Gmies voor.

 

Vierti Foorderig

D FASIA foorderet die sofortigi Umstellig vo dr Ernäärig an dr Fasnacht.

Die beschränggti Ernäärig vo Ziibele- und Kääswaaie und Määlsuppe gfäärdet d Gsundhait vo de Fasnachtstätige.

D Verdailig vo Bio-Gmies ka do en Abhilff schaffe.

 

BASLER FASNACHT 2017

Download
Stärnmarsch Fasnacht 2017.pdf
Adobe Acrobat Dokument 66.2 KB
Download
IG Guggekonzärt 2017.pdf
Adobe Acrobat Dokument 37.5 KB

NEUE ARTIKEL IN UNSEREM SHOP

Hier gehts zum Shop

Neue Aktivmitglieder gesucht

Hesch Luscht mit de GSB Fasnacht z mache? Denn mäld Di bi unserer Obfrau Caroline Rhyn (079 547 94 22)